Аулалық клубтар арасындағы футбол мерекесі

Бүгін, 2025 жылдың 6 қыркүйегінде, спорт алаңында аулалық клубтар арасындағы мини-футбол біріншілігінің жеңімпаздарын марапаттау салтанаты өтті.

Жарысқа қаланың әртүрлі аулаларынан келген жас футболшылар қатысты. Ойындар достық пен спорттық рухта өтті. Балалар жігерлік танытып, командалық бірлік пен жеңіске деген ұмтылысты көрсетті.

Турнир қорытындысы бойынша үздік командалар анықталып, олар мақтау қағаздарына, медальдар мен естелік сыйлықтарға ие болды. Бұл барлық қатысушылар үшін шынайы спорт мерекесіне айналды.

Жеңімпаздарды құттықтаймыз және алда жаңа жетістіктер тілейміз!